VinclaNon atopas o que buscas? Escríbenos a soporte@vincla.eu.
Que é Vincla?
Unha app para seguir o ciclo, a regra e a fertilidade e compartir coa túa parella, a familia ou as amizades só o que queiras, para que te entendan sen que teñas que explicalo todo.
Que ve a persoa coa que me vinculo?
Só o que ti actives para ela, dato a dato, e só o de hoxe. Podes cambialo cando queiras en O teu vínculo → Privacidade.
Como me vinculo con alguén?
A persoa que te acompaña introduce o teu código ou escanea o teu QR en O teu vínculo, e ti aceptas a solicitude. Ata entón non ve nada.
Como deixo de compartir?
En O teu vínculo podes desactivar cada dato ou desfacer o vínculo por completo. A outra persoa deixa de velo ao instante.
A app é gratuíta?
Si, con anuncios. Premium custa 1,99 €/mes ou 12,99 €/ano e quita os anuncios; ademais inclúe, entre outras cousas, o informe para o médico, os teus patróns do ciclo, síntomas propios, ata 5 vínculos e o modo unga unga.
Como cancelo Premium?
En Google Play: a túa foto de perfil → Pagamentos e subscricións → Subscricións → Vincla → Cancelar. Premium segue activo ata o final do período pagado.
Teño un código de agasallo. Onde o poño?
Na app, en Premium → «Tes un código de agasallo?». É para quen nunca tivo Premium e vale unha soa vez.
Onde se gardan os meus datos?
En servidores da Unión Europea, e no móbil van cifrados. Nunca vendemos os teus datos. Podes exportalos ou borralos cando queiras en Axustes. Máis na política de privacidade (en castelán).
Esquecín o contrasinal
Toca «Esqueciches o contrasinal?» na pantalla de entrada. Recibirás un correo de soporte@vincla.eu; se non o ves, mira no cartafol de correo lixo.
Como borro a miña conta?
Na app, en Axustes, ou cos pasos de Eliminar a conta. Bórranse todos os teus datos.
Que é o modo unga unga?
Un modo divertido de Premium: o gorila cambia os textos por outros máis graciosos. O delicado (síntomas, dor, cando ir ao médico) mantense serio.
Podo usar a app como método anticonceptivo?
Non. Vincla non é un produto sanitario nin un método anticonceptivo e non diagnostica. Os datos son estimacións.
Hai versión para iPhone?
Agora só para Android, en Google Play. O iPhone chegará máis adiante.
Que idade fai falta?
14 anos en España; noutros países, a que marque a súa lei. A app pídea ao crear a conta.